عوام یکم مئی توں پہلے اپنڑے ووٹ دا اندراج یا درستگی کرواگھنن، یکم مئی کوں انتخابی فہرستاں منجمد کر ڈتیاں ویسن ‘ توقع ہے جو ملک اچ رجسٹرڈ ووٹراں دی تعداد 11کروڑ تئیں پج ویسی ‘ ترجمان الیکشن کمیشن

اسلام آباد ۔ 29 مارچ (اے پی پی) الیکشن کمیشن آکھیے جو یکم مئی کوں انتخابی فہرستاں منجمد کر ڈتیاں ویسن ،توقع اے جو ملک اچ رجسٹرڈ ووٹراں دی تعداد 11کروڑ تئیں پج ویسی ،نویاں انتخابی فہرستاں سارے ملک اچ 15ہزار ڈسپلے مرکز تے لا ڈتیاں گن ۔خمیس کوں الیکشن کمیشن دے ترجمان ولوں جاری بیان دے مطابق انتخابی فہرستاں اچ 73لکھ نویں ووٹراں کوں پاتا گے جڈاں جو 8لکھ فوت تھی ونجنڑ آلے یا شہریت چھوڑ ڈیونڑ آلے ووٹراں کوں انتخابی فہرستاں اچ کڈھ ڈتا گے ،ہنڑ تئیں رجسٹرڈ ووٹراں دی تعداد 10کروڑ 40لکھ تئیں پج گی اے ،نویں ووٹراں دے اندراج دا سلسلہ جاری اے ۔توقع اے جو اے تعداد 11کروڑ تئیں پج ویسی ۔الیکشن کمیشن سارے ملک اچ 15ہزا ر ڈسپلے مرکز قائم کیتن ۔پنجاب اچ 7 ہزار 928، سندھ اچ 2 ہزار 585، خیبر پختونخوا اچ 2 ہزار 545 جڈاں جو بلوچستان اچ01 ہزار 429 مرکز قائم کیتے گن ۔

مضمون کا ماخذ : لاٹری جیتنے کے طریقے

متعلقہ مضامین