اسلام آباد ۔یکم ستمبر (اے پی پی) وفاقی وزیر خزانہ سینیٹر اسحاق ڈا?? آکھے جو حکومت برآمد کنندگان کوں ہر ممکن مددتے سہولتاں ڈیونڑاں چاہندی ہے ، ای?? بارے ایکسپورٹ ریفنڈز دی تکھے ادائیگی یقینی بنڑائی ویسی ۔ او سیالکوٹ چیمبر آف کامرس اینڈ انڈسٹری دے وفد نال گالھ مہاڑ کریندے پئے ہن ، ایں وفد خواجہ مسعود اختر دی قیادت اچ خمیس کوں اتھ??ں انہاں نال ملاقات کیتی ۔ وفاقی وزیر پانڑیں تے بجلی خواجہ محمد آصف وی وفد دے نال ہن ۔ ا??ں موقعے تے وفد برآمد کنندگان کوں واجب الادا ریفنڈز دی ادائیگی تے وفاقی وزیر دا شکریہ ادا کیتا اتے آکھیا جو حکومت دے ایں اقدام نال ایکسپورٹرز دی مالی اوکھ حل تھئی ہے ۔ انہاں برآمد کنندگان کیتے گھٹ توں گھٹ شرح نال ایکسپورٹ ری فنانس سہولت دی پیشکش تے وی حکومت دی تعریف کیتی اتے آکھیا جو اے اقدامات موجودہ حکومت ولوں ملکی برآمد کوں ودھاونڑ اچ دلچسپی کوں ظاہر کریندے ہن ۔ ا??ں موقعے تے وفد دے رکناں ملکی برآمدات ودھاونڑ کیتے تجویزاں ڈتیاں اتے بینکنگ دے شعبے توں درپیش مسلیا?? بارے وفاقی وزیر کوں ڈسایا۔ وزیر خزانہ تاجر برادری دیاں تجویز اں دا خیرمقدم کریندے ہوئیں آکھیا جو حکومت بینکنگ بارے برآمد کنندگان دے مسلیاں کوں حل کرنڑ اچ ہر ممکن مدد ڈیسی ۔ ا??ں موقعے تے وزارت خزانہ دے سینئر حکام وی موجود ہن ۔
