اڄ دا ݙینھ اساݙے وݙکیاں دے قربانیاں دی یاد ݙویندے، ایمان، اتحاد اتے تنطیم دے ںظریات تے کاربند رہݨ دی تلقین کریندے، چیئرمین سینٹ سید یوسف رضا گیلانی دا ملک دے 77 ویں یوم آزادی دے موقع تے سنیھا

اسلام آباد۔13اگست (اے پی پی) چیئرمین سینٹ سید یوسف رضا گیلانی ملک دے 77 ویں یوم آزادی دے موقع تے پوری قوم کوں مبارخ ݙیندیں ہوئیں آکھیا جو اڄ دا ݙینھ اساݙے وݙکیاں دے قربانیاں دی یاد ݙویندے، ایمان، اتحاد اتے تنطیم دے ںظریات تے کاربند رہݨ دی تلقین کریندے۔ یوم آزادی دے موقع تے آپݨے سنیھے اچ انہاں آکھیا جو اڄ اساں آپݨی تاریخ دے ہک دوراہے تے کھڑوں۔ اساکوں کئی چیلنجز ہن جیڑھے جو اساݙے سانجھے عزم منڳدن۔ غریبی مکاوݨ، جامع ترقی اتے سماجی تے اقتصادی مساوات یقینی ٻݨاوݨ اساݙا فرض اے۔ اساکوں یقینی ٻݨاوݨ دی لوڑھ اے جو معاشی ترقی دے فیدے کوں ہکو سویں ونڈ کیتی ونڄے تانجو ہرپاکستانی کوں عزت اتے احترام دی زندگی گزارݨ دا موقع ملے۔ انہاں آکھیا جو دہشت گردی اساݙی سلامتی اتے اساݙے طرز زندگی کیتے ہک سنگین خطرہ اے۔ اساݙی مسلح فوج اتے قانون نافذ کرݨ آلے ادارے اساݙی حفاظت کوں یقینی ٻݨاوݨ کیتے ٻہوں قربانیاں ݙتن جڈانجو دہشت گردی دے خلاف جنگ اڄاں نی مُکی۔ انہاں آکھیا جو انہاں رکاوٹاں کوں دور کر تے ہک مضبوط، خوشحال اتے انصاف پسند پاکستان ٻݨا سڳدوں۔ آؤ رَل تے آپݨی قوم دی بہتری کیتے کم کرݨ دا عہد کروں تانجو آوݨ آلی نسلاں امن اتے ہم آہنگی نال رہ سڳن۔

مضمون کا ماخذ : میگا ملینز لاٹری

متعلقہ مضامین